SALISIR I
Sepat domba kali Oya,
Aja dolan lan wong Priya,
Gerameh nora Prasaja.
Garwa Sang Sindura Prabu,
Wicara mawa karana,
Aja dolan lan Wanita,
Tan nyata asring katarka.
Sembung Langu munggwing wana,
Kunir wisma kembang rekta,
Aja nggugu hujarira,
Wong lanang sok asring cidra.
Genta geng kang munggwing panggung,
Jawata pindha Harjuna,
Jaman mengko kawruhan,
Wong wadon keh ngamandaka.
Kramane sawaleng kayun,
Ayam kuncung sabeng wana,
Padune cuwa ing karsa,
Wuwuse tan merak driya.
Burat pada perkutut gung,
Sujalma miyasa mina,
mBok iku den turutana,
Dhakahe asor wong njala.
Gatrane kang kembang randhu,
Wogan alit tumbal wisma,
Kemaruk nekakken kersa,
Tan kena mengeng sedela.
 |
| Add caption |
SALISIR II
Manis rengga kusumane,
Satriya ing lesan pura,
Setyanana dhuh Gustine,
Yen laliya marang sira.
Tirta maya kusumane,
Supaya hanyar kinarya,
Ninging driya dhuh Gustine,
Tanna ngalih amung sira.
Kala rekta kusumane,
Satriya ngunggguli jaya,
Sun bang ebang dhuh Gustine,
Hamisesa jroning pura.
Lalu mangsa kusumane,
Panusuling magutyuda,
Yen kasepa dhuh Gustine,
mBatoni lara Asmara
Barat sirat kusumane,
Pasewakan jro nayaka,
Yen kapupus dhuh Gustine,
Hing driya manganti sira.
Manis rengga kusumane,
Satriya ing lesan pura,
Setyanana dhuh Gustine,
Yen laliya marang sira.
Tirta maya kusumane,
Supaya hanyar kinarya,
Ninging driya dhuh Gustine,
Tanna ngalih amung sira.
Kala rekta kusumane,
Satriya ngunggguli jaya,
Sun bang ebang dhuh Gustine,
Hamisesa jroning pura.
Lalu mangsa kusumane,
Panusuling magutyuda,
Yen kasepa dhuh Gustine,
mBatoni lara Asmara
Barat sirat kusumane,
Pasewakan jro nayaka,
Yen kapupus dhuh Gustine,
Hing driya manganti sira.
